Ministri në detyrë i Kulturës, Hajrulla Çeku, ka reaguar pas ndeshjes së Kosovës ndaj Zvicrës e cila u mbyll me barazim.

Ai vlerësoi përkushtimin dhe energjinë e ekipit kombëtar, shkruan Arbresh.info.

Çeku tha se performanca e skuadrës e ka mbajtur gjallë ëndrrën për Botërorin dhe ka dhuruar emocion të madh për qytetarët.

“Sonte pamë një ekip që lufton me zemër dhe e mban gjallë ëndrrën tonë të Botërorit. Djemtë po japin gjithçka dhe kjo meriton vetëm respekt”, shkroi Çeku, duke shtuar se besimi është në rritje dhe se ndikimi i futbollit në vend mbetet i pazëvendësueshëm.

Ai e përmbylli reagimin me mesazhin se Kosova është ekip që nuk dorëzohet kurrë.

“Ky është zëri i një ekipi që nuk dorëzohet kurrë. Ky është zëri i Kosovës. Faleminderit për emocionin, vazhdojmë bashkë drejt ëndrrës së madhe.”, ka shkruar ai./Arbresh.info/